Мэдэхгүй ертөнцийн тухай шөнөжин ярилцсан
Мэдэрсэн сэрлийнхээ хүлээсийг тайлалцсан
Тэнд чи бид хоёр оршиж бас амьдардаг
Тэндээ унтдаг, сэрдэг бас үнсэлцдэг

Амьдрал энэ гариг дээр биш өөр ертөнцөд өрнөдөг
Амраглал энд биш тэнд хөглөгддөг
Би чиний зүрхэнд ээнэгшин дулаацдаг
Чи миний зүүдэнд тэмтчин бэдэрдэг

                                                                                   2015.07.27

Нар салхи тэнгэр
Намайг гэсэн зүрх
Надад үлдсэн чиний үнэр
Надаас явсан чиний сүүдэр

Хүлээлт, бодрол, агшин
Хүсэлгүй тэмүүлэл чамруу
Хүнийх, минийх гэх тэмцэл
Хүрээд ирнэ гэсэн итгэл

Чи энд оршино
Чимээгүй надад орогноно

                                                                                      2015.07.27

Санахуйн бодолд

Сэрэхүйн зүүдэнд

Санаанд, зүрхэнд, сэтгэлд зөвхөн чи

Сэтгэлийн чанадад

Сэрэл мэдрэхүйн гүнд

Сүүдэрт минь

Сүнсэнд минь зөвхөн чи

Зөвхөн чи, зөвхөн би, зөвхөн бид 2

              

                                                                                      2015.07.26